心情好沉重，琴晚成晚都训唔着，我一直唔愿意面对嘅嘢终于发生——409 E个小家庭喺今日正式瓦解。好快，楼下嘅阿姨将会当我地陌生人对待，我地连大门都入唔倒，我遗憾无用相机将昔日嘅409细细定格，因为只有留喺我地回忆嘅409，边个都收唔翻，抢唔走。每晚喺Q见到大家彩色嘅头像，感觉仲好亲切，同爱贤一样，我一直构筑住一种幻觉，大家仲喺学校，只要一翻去，各间宿舍一切如旧。当我见到大家嘅IP已经各散东西，唔再系以前统一嘅“广东省广州市华南农业大学”嗰阵，我心酸，忘记，继续逃避。自从大只走佐之后，我好怕翻宿舍，怕我辛苦建立嘅假象会俾现实击破，面对冷冰冰嘅宿舍，意味住就要提早招架别离！

重返校园，一草一木，依然熟悉，但心情已经变质，逃课嘅忐忑不安，上课嘅昏昏欲睡，考试嘅挑灯夜战，感觉好遥远，睇住穿梭喺校内上课落课嘅师弟师妹，唔知点解无解脱嘅快感，反而有一种难言嘅羡慕。四年，我觉得自己获得佐好多经验同经历，成长佐好多，唯一无变嘅系，入学同此刻，我都有一种鼻酸眼湿嘅感觉，四年前期待毕业，衣家却希望时光倒流。